Урок "Скланенне назоўнікаў"

Тэма ўрока: “Скланенне назоўнікаў”
Мэта:  садзейнічаць фарміраванню ўмення вызначаць  скланенне назоўнікаў  і асаблівасці змянення назоўнікаў па склонах.
Задачы:   

·                     узнавіць веды вучняў аб змяненні формы  назоўнікаў па пытаннях;

·                     замацоўваць веданне склонаў і склонавых пытанняў;

·                     фарміраваць уменне правільна вызначаць склон назоўнікаў у словазлучэнні і сказе ;

·                     паказаць прыгажосць зімовай прыроды, выхоўваць беражлівыя адносіны да яе.

Тып урока: урок замацаванне ведаў

Абсталяванне: ПК з выхадам у Інтэрнет, выявы Югасі і Багніка падручнікі, сшыткі, запісы на дошцы.

Ход урока

1.                    Арганізацыйны момант (псіхалагічная хвілінка).

Чалавеку патрэбна не слава,

А людская ўвага і ласка,

І сардэчнае шчырае слова,

І вясёлая добрая казка. Мы працягваем падарожжа у казку. Возьмем у падарожжа толькі назоўнікі. 

2. Актуалізацыя вывучанага

Успомнім, чым адрозніваюцца назоўнікі ад іншых часцін мовы, выканаўшы заданне, якое размешчана ў Інтэрнэце, для гэтага націсніце на спасылку http://LearningApps.org/display?v=p7vnv56ec16 (Настаўнік аналізуе памылкі, зробленыя кожным вучнем. Карэкцыю ведаў праводзіць, скіроўваючы вучня да  "ОХ-падказкі "Назоўнік" па спысылцы http://pochyk-chacte.blogspot.com.by/p/blog-page_35.html )

Якія часціны мовы, акрамя назоўнікаў, вы сустрэлі ў заданні?

3. Пастаноўка  мэт і задач урока.

Работа на дошцы і ў сшытках

З дапамогаю матэрыяла форзаца 2 праскланяем назоўнікі: сасна, стол, неба.

І вызначым канчаткі назоўнікаў.  

Такім чынам сёння на ўроку мы замацуем........(Дзеці даюць адказы)

4.                   Чыстапісанне.

- Адгадайце загадку  

Сыпле - сее неба зоркі

На страсе сумеж, як кож.

Ездзіць будзеш,  дзеці, згоркі

Гэй! Вітай зімы прыход!

-Вы здагадаліся, якую літару мы будзем пісаць?

Запіс на дошчы:

Сс

Са сее

Сне…ная ка…ка, сне…ны дом, засне…аная р…ка, сн…гапад, сн…гір.

- Напішыце шэраг літар у прапанаванай паслядоўнасці да канца радка і ўстаўце прапушчаныя літары ў словах і словазлучэннях. Вызначце род і лік назоўнікаў.

5.                    Арфаграфічная размінка.

На маю электронную пошту прыйшло паведамленне з просьбай аб дапамозе. Здагадайцеся, ад каго. 

Я лятала на мятле,

Пірагі пякла ў зале,

Па хаце  я ката ганяла

Ды заданне вам складала.

Як да Багніка схадзіла,

Усе, што знала, разгубіла... (Югася)

Давайце дапаможам прывесці Югасі ўсе веды ў парадак.

Выканаем заданне па спасылцы http://LearningApps.org/display?v=phv36haak16

(Настаўнік карэкціруе веды, адпраўляючы вучняў да ОХ-падказкі "Правапіс" па спысылцы http://pochyk-chacte.blogspot.com.by/p/blog-page_9.html. і падводзіць вынікі)

6. Фізкультхвілінка

Парадуемся разам з Югасяй, што мы заданне паспяхова выканалі. 

Як тупну нагой

Ды прытупну другой,

Кругам пакружуся,

Усім людзям пакажуся! (паўтор 4-5 разоў)

7.   Замацаванне ведаў           

    

Работа з падручнікам

Варыянт 1 - Пр. 128, с. 75, 

Варыянт 2 - Пр.129, с.75.

(узаемаправерка па ўзору на дошцы, выстаўленне адзнак)

8. Кантроль і самакантроль ведаў і спосабаў дзеянняў.

Успомніце, да каго ў госці хадзіла Югася? Што гэта за істота?

Багнік разумнейшы за Югасю. Ён любіць вершы і прапануе вам адзін з любімых, але не проста прачытаць верш, а выканаць да яго заданне па спасылцы http://LearningApps.org/display?v=p9581n90v16  (Настаўнік аналізуе памылкі, зробленыя кожным вучнем. Карэкцыю ведаў праводзіць, скіроўваючы вучня да  "ОХ-падказкі "Назоўнік" па спысылцы http://pochyk-chacte.blogspot.com.by/p/blog-page_35.html ) (Па выніках выстаўляюцца адзнакі)

9.  Вынікі ўрока. Рэфлексія.

Гульня "Так ці не"

Дзеці перамяшчаюцца па класе. (Выява Багніка - "ТАК", Югасі - "НЕ", да настаўніка - "НЕ ВЕДАЮ")

1.  У беларускай мове 6 склонаў.
2. Родны склон адказвае на пытанні КАГО? ЧАГО?
3. Месны скол ужываецца толькі з прыназоўнікамі.
4. Вінавальны склон ужываецца без прыназоўнікаў.
5. Творны склон адказвае на пытанні АБ КІМ? АБ ЧЫМ?  і іншыя....

10. Дамашняе заданне.

Для ўсіх - Пр. 131 с. 76

Для цікаўных - яшчэ заданне па спасылцы http://LearningApps.org/display?v=pecpascgn16